Mananagot sa batas ang sinumang lalabag sa enhanced community quarantine na umiiral sa Luzon dahil sa COVID-19.
Pahayag ito ng Palasyo matapos mabatikos sina Senador Koko Pimentel at ACT CIS Congressman Eric Yap na nakisalamuha pa rin sa ibang tao kahit na person under investigation na dahil sa COVID-19.
Ayon kay Presidential spokesman Salvador Panelo, mananagot sa batas ang sinuman na lalabag sa ECQ kahit na ano pa ang estado sa buhay.
“The equal protection clause of the Constitution imposes equal treatment to all. Any transgressor therefore must be dealt with in accordance with law,” pahayag ni Panelo.
Sa ilalim ng enhanced community quarantine, mahigpit na ipinag-uutos ang pananatili sa bahay at mag pa-quarantine ang mga taong may hinihinalang sakit ng COVID-19.
“The protocols set by the government for persons under investigation or monitoring must be strictly and absolutely observed by all people falling under the said categories, regardless of their socio-political status. They are not meant to discomfort or burden anyone. They have been established to ensure that public health and safety are secured at all times. There are no exemptions for any person on these health protocols. Those holding high positions in the government are enjoined to set an example to their constituents by strictly observing them,” pahayag ni Panelo.
Matatandaang una nang nagpalabas ng matapang na pahayag ang Makati Medical Center matapos samahan ni Pimentel ang mangangak na asawa kahit na PUI na siya.
Nag-grocery pa si Pimentel sa S&R sa BGC bago lumabas ang resulta na positibo siya sa COVID-19 test.
Dumalo naman sa meeting sa Malakanyang si Yap kahit na PUI na at sumailalim sa COVID-19 test.