Mobile Palengke ng Pasig muling nag-ikot

Nagsimula muling mag-ikot ang Mobile Palengke ng Pasig City, araw ng Huwebes (March 26).

Ang Mobile Palengke ay nasa mga Barangay ng San Joaquin sa All Villas (Ulilang Kawayan), Barangay Bambang sa Basketball Court, Barangay Sagad sa kalye ng E. Angeles malapit sa Barangay Hall, Barangay Rosario sa Ramos compound/Buenmar, Eastbank Road, at Barangay Sta. Lucia sa kalye ng Tawi Tawi.

Pinaalalahan naman ni Mayor Vico Sotto ang lahat ng mamimili na panatilihin ang isang metrong distansya sa bawat isa.

Ang Mobile Palengke ay binuo ng Pasig City para maiwasan na dumagsa ang mga tao sa mga palengke, lalo na sa kasagsagan ng ipinatutupad na enhance community quarantine.