Pulong ng IATF gagawin muna sa pamamagitan ng teleconference
Isasagawa na lamang sa pamamagitan ng teleconference ang mga pulong ng Inter Agency Task Force on Emerging Infectious Disease.
Kani-kaniyang self quarantine kasi ngayon ang ilang mambabatas at gabinete matapos makasalamuha si ACT-CIS Party-list Representative Eric Go Yap na positibo sa COVID-19.
March 21 nagtungo si Yap na chairman ng House Committee in Appropriations sa Malakanyang para dumalo sa meeting para sa COVID-19.
Ayon kay Senador Christopher Lawrence “Bong” Go, mabigat man sa kanyang kalooban, kailangan niyang sumailalim sa labingapat na araw na self-quarantine para masiguro na hindi makokompromiso ang kalusugan ng ibang tao.
Sa panig ni Budget Secretary Wendel Avisado, sasailalim na rin siya sa self-quarantine matapos makasalumuha si yap.
Tuloy rin ang kanyang trabaho sa pamamagitan ng teleconferencing sa kanyang mga tauhan.
Nag self-quarantine na rin sina Social Welfare and Development Secretary Rolando Bautista, Interior Secretary Eduardo Ano at Presidential Adviser on the Peace Process Secretary Carlito Galvez na pawang nakasalamuha ni Yap sa Malakanyang.
Maging si Cabinet Secretary Karlo Alexi Nograles na tumatayong spokesperson ng Inter Agency Task Force on Emerging Infectious Disease ay kusang nag self-quarantine na rin.
Ito ay kahit hindi niya nakasalamuha si Yap.
Ayon kay Nograles, mas maigi na ang mag ingat.
Work from home na muna ang kanyang gagawin ngayon lalo’t deikado ang banta sa COVID-19.
Teleconferencing na aniya ang set up ngayon ng IATF.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.