INQUIRER FILE PHOTOKinumpirma ni Philippine National Police (PNP) Chief General Archie Gamboa na dalawang pulis ang positibo sa COVID-19.
Ginawa ni Gamboa ang kumpirmasyon matapos ilabas ng Research Institute for Tropical Medicine o RITM ang COVID-19 test result ng dalawa, isang 32-anyos na tauhan ng NCRPO at isang 52-anyos na nakatalaga naman sa Laguna.
Aniya, ang dalawa ay naka-self quarantine at ang kanilang kondisyon ay tinututukan ng mga doktor ng pambansang pulisya.
Dagdag pa ni Gamboa, base sa rekomendasyon ni Police Brig. Gen. Herminio Tadeo Jr., ang opisina ng dalawang pulis ay naka-lockdown na at sasailalim sa disinfection.
Sa ngayon ay nagsasagawa na ang PNP-CIDG ng contact tracing para makilala ang mga nakasalamuha ng dalawang pulis.
Sa ngayon, may 709 pulis ang persons under monitoring (PUMs) at 61 ang persons under investigation (PUIs) dahil sa COVID-19.