Prince Charles ng Britain, nagpositibo sa COVID-19

By Angellic Jordan March 25, 2020 - 08:08 PM

Nagpositibo si Prince Charles ng Britain sa Coronavirus Disease o COVID-19.

Batay sa anunsiyo ng Clarence House, nakitaan ang 71-anyos na susunod sa British throne ng mild symptoms ng nakakahawang sakit.

Gayunman, sinabi nito na nasa maayos pa ring kondisyon si Prince Charles at patuloy ang pagtatrabaho sa bahay sa nakalipas na mga araw.

Sa ngayon, nakasailalim na si Prince Charles sa self-isolation sa isang royal estate sa Scotland.

Samantala, sinabi ng Clarence House na negatibo naman ang resulta ng isinagawang pagsusuri sa asawa nito na si Duchess Camilla.

Isinagawa ang pagsusuri kay Prince Charles at Duchess Camilla ng National Health Service sa Scotland.

Dagdag pa ng Clarence House, hindi pa tiyak kung saan nakuha ni Prince Charles ang virus dahil sa dami ng dinadaluhan nitong engagement sa mga nakalipas na linggo.

TAGS: COVID-19 update, Duchess Camilla, Inquirer News, Prince Charles, COVID-19 update, Duchess Camilla, Inquirer News, Prince Charles

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.