BREAKING: Bilang ng kaso ng COVID-19 sa bansa, umakyat na sa 552

Patuloy na tumataas ang bilang ng kumpirmadong kaso ng Coronavirus Disease o COVID-19 sa Pilipinas.

Sa huling tala ng Department of Health (DOH) hanggang 4:00, Martes ng hapon (March 24), nasa 552 na ang kabuuang bilang ng confirmed COVID-19 cases sa bansa.

90 ang bagong napaulat na bagong kaso sa bansa sa nakalipas lamang na magdamag.

Ito na ang pinakamataas na naitalang kaso sa bansa sa loob lamang ng isang araw.

Samantala, sinabi pa ng DOH na nadagdagan ng dalawa ang bilang ng mga naka-recover sa nakakahawang sakit dahilan para umabot sa 20.

Sinabi ng kagawaran na dalawa rin ang nadagdag sa bilang ng mga nasawi bunsod ng virus.

Dahil dito, 35 na ang kabuuang bilang ng nasawi sa COVID-19 sa bansa.