Ginagamot sa AFP Medical Center sa V. Luna, Quezon City ang isang one star military officer maging ang maybahay nito dahil sa COVID-19.
Ito ang pagkumpirma ni AFP Chief of Staff General Felimon Santos at aniya, lumabas ng bansa ang hindi nito kinilalang opisyal.
Aniya, ang mag-asawa ay kapwa napabilang sa mga persons under investigation (PUI) noong Marso 15.
Dagdag pa ni Santos, asymptomatic ang naturang opisyal at patuloy na inoobserbahan ang mag-asawa sa nabanggit na military medical facility.
Kinakailangan lang aniya na magpatuloy ang gamutan hanggang sa tuluyang gumaling ang mag-asawa at diin pa ni Santos, istriktong sinusunod nila ang protocols na inilatag ng DOH para sa may taglay ng COVID-19.
Nakatalaga sa Camp Aguinaldo ang may sakit na opisyal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.