Sa Facebook, ipinaalam ni Dualan ang na positibo ang resulta ng isinagawang swab testing sa kanya noong March 18.
Pumunta na aniya siya sa isang ospital para sumailalim sa masusing pagsususri upang malaman ang lagay ng kaniyang kondisyon.
Matapos ang ilang test at procedure, lumabas aniya ang resulta na siya ay “positive but in good condition.”
Dahil dito, sinabi ng alkalde na pinayuhan siyang sumailalim sa strict self-quarantine.
Humingi naman ng pang-unawa at dasal si Dualan.
Hinikayat din nito ang mga residente ng Naic na sumunod sa mga ipinatutupad na panuntunan ng gobyerno kasabay ng enhanced community quarantine para sa kaligtasan ng lahat.