40 nahuli sa paglabag sa curfew sa Cainta

Umabot sa 40 katao ang naaresto sa bayan ng Cainta sa magdamag dahil sa paglabag sa umiiral na curfew.

Alas 8:00 ng gabi hanggang alas 5:00 ng umaga ang pagpapatupad ng curfew sa Cainta.

Ayon kay Cainta Mayor Johnielle Keith Nieto, sa nagdaang mga araw na pag-iral ng curfew ay pababa na ang mga naaaresto.

Umaasa naman si Nieto na sa mga susunod na araw ay patuloy nang bababa ang bilang ng mga nadadakip sa curfew.