Food delivery service inilunsad ng Angkas

Dahil sa umiiral na enhanced community quarantine sa buong Luzon, walang hanapbuhay ngayon ang mga rider ng Angkas.

Bunsod nito, naisipan ng Angkas na maglunsad ng Angkas Food na mag-aalok ng door-to-door na delivery ng pagkain.

Makatutulong ito sa kanilang mga rider para magkaroon pa rin ng pagkakakitaan at makatutulong din sa mga mamamayan na nananatili sa kani-kanilang tahanan.

Tiniyak naman ng pamunuan ng Angkas na ang kita ay para lamang sa kanilang riders at walang komisyon na kukuhanin ang kumpanya.

Ang serbisyo ng Angkas Food ay mula alas 10 ng umaga hanggang alas 5:30 ng hapon kada araw.

Tiniyak din ng Angkas na pananatilihin ang social distancing sa pagsasagawa ng food delivery.