Temperatura sa Camiling, Tarlac kahapon umabot sa 36.6 degrees Celsius

Nakapagtala ng mainit na temperatura sa maraming lugar sa bansa kahapon, March 23.

Sa datos mula sa PAGASA, 36.6 ang naitalang pinakamataas na temperatura sa Camiling, Tarlac.

Ang iba pang mga lugar sa bansa na nakapagtala ng mainit na temperatura ay ang mga sumusunod:

San Jose, Occidental Mindoro – 36 degrees Celsius
Tuguegarao City – 35.7 degrees Celsius
Hacienda Luisita, Tarlac – 35.6 degrees Celsius
Cotabato City – 35.5 degrees Celsius

Umabot naman sa 34.2 degrees Celsius ang naitalang highest temperature sa PAGASA Science Garden sa Quezon City.

Ang heat index naman o ang init na naramdaman sa katawan ng tao ay umabot sa 37 degrees Celsius ganap na alas 1:50 ng tanghali.