Inihirit ng grupo sa Bureau of Corrections (BuCor) at Bureau of Jail Managament and Penology (BJMP) na magsagawa ng mass testing sa hanay ng mga detenido at preso at simulan sa mga may sintomas na ng nakakamatay na sakit at isunod ang mga walang sintomas ngunit maaring magdala ng virus sa mga kulungan.
Nangangamba ang Kapatid na dahil sobrang siksikan sa mga kulungan sa bansa magkaroon na lang ng outbreak ng COVID-19 sa hanay ng 215,000 detenido at preso sa buong bansa.
Nabanggit sa pahayag ng grupo na sa mga naitalang kaso noong Pebrero sa Wuhan, China, 233 sa 565 pasyente ay mga detenido.
Diin pa ng grupo, dapat din magkaroon ng personal protective equipment (PPE) ang mga nagbabantay sa mga kulungan dahil sila ang lumalabas at pumapasok sa mga kulungan.
Nagpahiwatig din ang Kapatid na ikonsidera ang pagpapalaya na sa mga may-sakit, buntis, ang mga may-edad ng mga nakakulong, gayundin ang mga tinatawag na ‘low-level offenders’ para mabawasan ang bilang ng mga nakakulong.