Kaso ng COVID-19 sa bansa, nadagdagan pa ng 82: Kabuuang bilang, pumalo na sa 462
Nadagdagan pa ang kaso ng Coronavirus Disease (COVID-19) sa Pilipinas.
Ayon sa Department of Health (DOH) hanggang 4:00, Lunes ng hapon (March 23), nasa 82 ang nadagdag sa bilang ng COVID-19 cases sa bansa.
Ito ang pinakamataas na naitala sa bansa sa loob lamang ng isang araw.
Dahil dito, pumalo na sa 462 ang kabuuang confirmed COVID-19 patients sa bansa.
Samantala, sinabi ng DOH na mayroong isa pang pasyente na naka-recover sa nakakahawang sakit.
Gumaling ang patient number 73 o PH73 na isang 54-anyos na lalaking Filipino mula sa Maynila.
Mayroon itong travel history sa Thailand.
Unang nakaranas ng sintomas ang pasyente noong March 6 at nakumpirmang positibo sa COVID-19 noong March 13.
Sinabi ng DOH na na-discharge na ang pasyente noong March 21 matapos maging asymptomatic at nagnegatibo sa sakit.
Dahil dito, nasa 18 na ang gumaling na kaso ng COVID-18 sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.