Naging daan ang Facebook para mahuli ang isang lalaki sa pagbebenta ng overpriced mask sa isang entrapment operation na ikinasa ng mga operatiba ng PNP-CIDG sa Tondo, Maynila.
Mahaharap sa kasong paglabag sa Republic Act 10623 (Price Act) at Republic Act 7394 (Consumer Act) si Willy Sy.
Nakuha sa kanya ang 20 carton na naglalaman ng 60,000 piraso ng masks na nagkakahalaga ng higit P1.6 milyon.
Sa ulat, ikinasa ang operasyon ng CIDG – Anti-Transnational Crime Unit base sa impormasyon at reklamo ukol sa hoarding at overpriced masks.
Nakumpirma ang impormasyon sa pamamagitan ng Facebook post ni Sy na nag-alok ng P1,600 sa bawat kahon na may lamang 50 masks.
READ NEXT
WATCH: IATF sa mga pulitikong gumagamit sa posisyon para sa VIP testing sa COVID-19: “Walang lamangan, walang gulangan!”
MOST READ
LATEST STORIES