Sen. Francis Tolentino humingi ng paumanhin sa pagbahagi ng larawan nang magpasuri sa COVID-19

Humingi ng paumanhin si Senator Francis Tolentino sa publiko matapos umani ng batikos ang ibinahagi niyang larawan na may caption na nag-negatibo siya sa COVID-19.

Ang nasabing post sa Facebook page ng senador ay inalis na.

Ayon kay Tolentino, kung nagpositibo man siya sa pagsusuri ay ibabahagi din niya ito sa publiko para malaman ng mga naging close contacts niya.

Nilinaw din ni Tolentino na habang siya ay naka home quarantine ay nakaranas siya ng ubo at sipon kaya siya nagpa-test.

Nag-trend sa Twitter ang #NoToVIPTesting dahil sa mga balitang maraming VIP ang nakapagpapa-test sa COVID-19 sa kabila ng kakulangan sa testing kits ng bansa.