Dalawang kaso ng COVID-19, naitala sa Laguna

Nakapagtala na ng dalawang kaso ng COVID-19 sa Laguna.

Sa Facebook, sinabi ni Governor Ramil Hernandez na dalawa na ang kaso ng nakakahawang sakit sa lalawigan hanggang 9:00, Sabado ng gabi (March 21).

Naitala ang ikalawang kaso sa Sta. Rosa na residente ng isang subdivision sa Barangay Macabling.

Sa ngayon, nagsasagawa na ng contact tracing sa mga posibleng nakasalamuha ng pasyente.

Samantala, nasa 199 ang persons under investigation (PUIs) sa Laguna.

1,376 naman ang ongoing persons under monitoring (PUMs). 457 sa nasabing bilang ay cleared na.