Sinagip ng Pamahalaang Lungsod ng Maynila, sa tulong ng Manila Department of Social Welfare, ang ilang street dweller sa lungsod sa gitna ng banta ng COVID-19.
Ayon sa Manila Public Information Office, pansamantalang nanunuluyan ang mga na-rescue na street dweller sa Delpan Covered Court.
Araw ng Biyernes, March 20, nag-inspeksyon sa lugar sina Mayor Isko Moreno, Vice Mayor Maria Sheilah “Honey” Lacuna-Pangan at MDSW Director Re Fugoso.
Mayroong mga itinalagang modular tent, sariling palikuran at paliguan. May inihanda ring hygiene kit at face masks.
Sa ngayon, aabot sa 145 ang nananatiling evacuees sa Delpan Covered Court.
22 sa nasabing bilang ay residente ng Maynila, 72 ang nakatira sa ibang lungsod at 51 naman ang walang permanenteng tirahan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.