PNP, tiniyak na walang magiging delay sa checkpoints sa pagpasok ng mga suplay

Siniguro ng Philippine National Police (PNP) na hindi magkakaroon ng pagkaantala sa pagdaan ng mga suplay sa mga itinalagang checkpoint.

Sa “Laging Handa” press briefing, sinabi ni Brig. Gen. Bernand Banac, tagapagsalit ng PNP, na hindi maaabala ang pag-deliver ng suplay sa mga lugar na nakasailalim sa enhanced community quarantine.

Ani Banac, nabigyan ng proper guidance ang mga naka-deploy na pulis sa checkpoints.

Kailangan lamang aniyang ipakita ng drivers sa checkpoints ang kanilang ID, signage sa sasakyan, at delivery invoices at receipts.