Chief of staff ng isang kongresista nasawi sa COVID-19
Isa pang kawani ng Kamara ang nasawi sa COVID-19, Sabado ng umaga.
Ayon kay House Secretary-General Jose Luis Montales, nasawi ang 65-anyos na chief of staff ng isang congresswoman sa isolation room ng isang ospital sa Quezon City.
Mayroon na aniyang pre-existing medical condition ang nasawi.
Sinabi ni Montales na huling pumasok sa trabaho ang kawani noong March 4 at dumalo pa sa isang garden wedding sa Cavite noong March 7, 2020.
Ang nasabing congressional staff ang ikalawa sa nasawing kawani ng Kamara sa COVID-19 kung saan ang nauna ay nakatalaga sa Printing Services.
May isa pang empleyado ng Printing Services ang nagpositibo rin sa COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.