Antas ng tubig sa Angat Dam, nabawasan sa magdamag

Bahagyang nabawasan ang antas ng tubig sa Angat Dam sa nakalipas na 24 oras.

Sa datos ng PAGASA Hydrology Division dakong 6:00, Sabado ng umaga (March 21), nasa 199.14 meters ang lebel ng tubig sa dam.

Mas mababa ito kumpara sa 199.38 meters na lebel nito noong Biyernes (March 20).

Nabawasan din ang tubig sa Binga, San Roque, Pantabangan at Caliraya Dams.

Samantala, tumaas naman nang bahagya ang tubig sa La Mesa, Ambuklao, at Magat Dams.

Nanatili naman sa 101 meters ang tubig sa Ipo Dam.