COVID-19 cases sa bansa umakyat na sa 230; bilang ng nasawi nadagdagan pa ng 1

Nakapagtala pa ng labingtatlong panibagong kaso ng COVID-19 sa bansa ang Department of Health (DOH).

Dahil dito ayon sa DOH, umakyat na sa 230 ang COVID-19 cases sa Pilipinas.

Sa datos ng DOH mayroon ding isa pang nasawi sa sakit.

Ito ay si PH 124 na 64 anyos na lalaki mula sa Quezon City.

Siya ay mayroong travel history sa Singapore.

Dahil sa isa pang nasawi, 18 na ngayon ang bilang ng nasawi sa Pilipinas dahil sa naturang sakit.

Nananatili naman sa 8 ang bilang ng mga naka-recover sa COVID-19.