Isa pang Pinoy sa Hong Kong naka-recover sa COVID-19

Isang Filipino national pa sa Hong Kong ang naka-recover sa COVID-19.

Ayon sa Philippine Consulate General sa Hong Kong ang pasyente ay nakalabas na ng ospital ngayong araw.

Dahil dito, isang Pinoy na lamang ang nananatili sa ospital sa Hong Kong at ginagamot sa COVID-19.

Patuloy na minomonitor ng konsulada ang kaniyang kalagayan.

Muling pinaalalahanan ng konsulada ang mga Pinoy sa Hong Kong na maging maingat para maiwasang mahawaan ng sakit.