Huwag lagyan ng face mask ang mga hayop, magdudulot ito ng hirap sa kanilang paghinga.
Isa lang ito sa mga payo ng People for the Ethical Treatment of Animals o PETA kasabay nang pagsusumikap ng gobyerno na hindi na lumaganap pa ang COVID-19.
Una nang inihayag ng World Health Organization (WHO) na walang panganib na magkaroon ng COVID-19 ang mga aso at pusa ngunit kailangan na tiyakin na ligtas pa rin sila at ang kanilang mga tagapag-alaga.
Ayon pa sa PETA, ang tao na maaring may taglay ng nakakamatay na virus ay hindi dapat pahawakan ng mga alagang hayop dahil ang COVID-19 ay maaring kumapit sa balahibo.
Ibinigay din ng PETA ang kanilang hotline na 0999-8887382 na maaring tawagan ng mga naka-quarantine para mapaalagaan ang kanilang mga hayop, maging kung mangangailangan ng beterinaryo ang kanilang mga alaga.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.