Bilang ng nasawi dahil sa COVID-19, umabot na sa 17 – DOH
Umakyat na sa 17 ang bilang ng nasawi dahil sa Coronavirus Disease (COVID-19).
Ayon sa Department of Health (DOH), tatlong pasyente pa ang nasawi bunsod ng nakakahawang sakit.
Sinabi ng DOH na pumanaw ang patient number 201 o PH201 na isang 58-anyos na lalaking Filipino mula sa Lanao del Sur.
Mayroon itong travel history sa Malaysia.
Na-confine ang pasyente sa Amai Pakpak Medical Center noong March 10 at nasawi noong March 17 bandang 6:41 ng umaga.
ARDS secondary to COVID-19 ang sanhi ng pagpanaw ng pasyente.
Samantala, nasawi rin ang PH57 na isang 65-anyos na lalaking Filipino, residente ng Pasig City.
Mayroon itong travel history sa London.
Unang na-admit ang pasyente sa The Medical City-Ortigas noong March 10 at nakumpirmadong positibo sa sakit noong March 13.
Nasawi ang pasyente noong March 17 bandang 10:10 ng gabi.
Nasawi rin ang PH160 na isang 86-anyos na babaeng Filipino mula sa San Juan City.
Wala itong travel history sa anumang bansa.
Na-confine ang paysente sa Cardinal Santos Medical Center at nakumpirmang positibo sa sakit noong March 16.
Nasawi ang pasyente noong March 17 bandang 2:25 ng madaling-araw.
Ayon sa DOH, Septic Shock secondary to Pneumonia-High Risk secondary to COVID-19 ang sanhi ng pagpanaw ng pasyente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.