4 na manlalaro ng Brooklyn Nets kabilang si Kevin Durant, positibo sa COVID-19
Nagpositibo sa sakit na COVID-19 si Kevin Durant at tatlong iba pang manlalaro ng Brooklyn Nets.
Hindi inilabas ng koponan ang pangalan ng apat nilang manlalaro na nagpositibo sa COVID-19 pero si Kevin Durant ay kinumpirma na ito sa isang panayam.
Hinimok ni Durant ang lahat na maging maingat at sundin ang quarantine protocol.
Naka-quarantine na ngayon ang apat na NBA players.
Isa lamang sa kanila ang nakararanas ng sintomas habang si Durant at ang dalawang iba pa ay pawang walang naranasang sintomas ng sakit.
Hinimok din ng koponan ang mga nagkaroon ng contact sa apat na manlalaro na makipag-ugnayan sa health authorities
Sa ngayon pitong manlalaro na ng NBA ang positibo sa COVID-19.
Una nang nagpositibo ang mga manlalaro ng Utah Jazz na sina Rudy Gobert, Donovan Mitchell at ang manlalaro ng Detroit Pistons na si Christian Wood.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.