Biyahe ng Cebu Pacific, hanggang March 18 na lang

By Jan Escosio March 17, 2020 - 06:38 PM

Nasa 16 na biyahe na lang ang gagawin ng Cebu Pacific hanggang araw ng Miyerkules, March 18, bago sila hihinto sa paglipad hanggang sa Abril 14.

Base sa pahayag ng Cebu Pacific, ito ay pagtalima sa kautusan ng gobyerno kasabay nang pagpapatupad ng enhanced community quarantine sa Luzon maging ang kahalintulad na direktiba sa ilang bahagi ng bansa.

Ayon sa kumpanya, ito ay pagtitiyak na rin sa kaligtasan ng kanilang mga pasahero at kawani.

Ang mga biyahe na lang ng Cebu Pacific sa March 18 ay ang mga sumusunod:
– Manila-Bangkok-Manila
– Manila-Tokyo (Narita)-Manila
– Manila-Osaka-Manila
– Manila-Nagoya-Manila
– Manila-Ho Chi Minh-Manila
– Manila-Singapore-Manila
– Manila-Taipei-Manila
– Manila-Bali (Denpasar)-Manila

Inanunsiyo rin na ang lahat ng ticketing office ng Cebu Pacific ay sarado din simula sa Marso 19 hanggang Abril 14.

TAGS: BUsiness, cebu pacific, COVID-19, enhanced community quarantine, enhanced community quarantine in Luzon, BUsiness, cebu pacific, COVID-19, enhanced community quarantine, enhanced community quarantine in Luzon

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.