San Miguel Corp., gagawa ng 70% alcohol para maipamahagi ng libre

Dahil sa kakapusan ng suplay ng alcohol, sinabi ni San Miguel Corporation President at COO Ramon Ang na magpo-produce ang kumpanya ng 70 percente ethyl alcohol sa isang local na pasilidad nito.

Ang mga gagawing alcohol ay ipamamahagi sa mga publiko sa pamamagitan ng lokal na pamahalaan.

Nagbibigay din ng donasyon ang SMC ng kanilang brand ng disinfectant powder sa mga LGU.

Sa ngayon ayon kay Ang, kumukuha sila ng clearance sa mga ahensya ng pamahalaan para masimulan ang produksyon.

Ang Ginebra San Muguel Inc., ay nagsimula nang gumawa ng alcohol noong weekend na gagamitin sa kanilang pasilidad at magagamit ng libu-libong empleyado nila.