Nakabawi si Senator Grace Poe sa Presidential Survey ng Pulse Asia.
Sa poll survey na ginawa sa pagitan ng January 24-28 sa 1,800 na respondents, nakakuha si Poe ng 33% para makuha ang unang puwesto.
Statistically tied sina Vice President Jejomar Binay, Liberal Party Standard bearer Mar Roxas na mayroong 23% at nakakuha naman ng 20% si Davao City Mayor Rodrigo Duterte.
Sa Vice Presidential race, nasa unang puwesto si Sen. Francis “Chiz” Escudero na mayroong 33% at pangalawang puwesto si Senator Ferdinand “Bongbong” Marcos, Jr. sa 23%.
Nasa ikatlong puwesto si Camarines Sur Rep. Maria Leonor “Leni” Robredo na mayroong 18% at si Senator Alan Peter Cayetano na nakakuha ng 14%.
Si Sen. Gregorio Honasan ay mayroong 5 % habang 4 % kay Sen. Antonio Trillanes IV.
Samantala, sinabi ng Comelec na maglalabas din sila ng guidelines kaugnay sa paglalabas ng mga survey results sa pagsisimula ng kampanya sa susunod na linggo.