Mga kumpirmadong kaso ng COVID-19 sa bansa, nasa 142 na; Bilang ng nakarekober, nasa 3 na
Nadagdagan pa ng dalawa ang bilang ng kumpirmadong kaso ng Coronavirus Disease (COVID-19) sa bansa.
Sa huling tala ng DOH hanggang 12:00, Lunes ng tanghali (March 16), umakyat na sa kabuuang 142 ang bilang ng confirmed COVID-19 cases sa bansa.
Ayon pa sa kagawaran, hanggang 10:30, Linggo ng gabi (March 15), nasa 12 ang nasawi dahil sa nakakahawang sakit.
Sinabi ng DOH na nasawi ang patient number 12 o PH12 o isang 56-anyos na lalaking Filipino mula sa Maynila.
Unang nakaranas ng pag-uubo at lagnat ang pasyente noong February 29 at na-confine sa Makati Medical Center noong March 7.
Nag-positibo sa COVID-19 ang PH12 noong March 9.
Samantala, sinabi ng DOH na tatlong pasyente na ang nakarekober sa nasabing sakit.
Nakarekober ang PH14 na isang 46-anyos na lalaking Filipino mula sa Pasay City.
Wala itong travel history mula sa ibang bansa.
Unang na-confine sa Makati Medical Center ang pasyente noong March 5 at nag-positibo sa sakit noong March 9.
Kinumpirma naman ng Makati Medical Center na negatibo na sa sakit ang pasyente matapos dalawang beses mag-negatibo.
Na-discharge ang pasyente noong March 15.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.