4-day work kada linggo, ipatutupad sa Albay provincial gov’t
Magpapatupad ang provincial government ng Albay ng four-day work kada linggo sa provincial Capitol.
Sa inilabas na memorandum, ipinag-utos ni Governor Al Francis Bichara ang bagong work arrangement kasunod ng banta ng Coronavirus Disease (COVID-19).
Magsisimula ang pasok ng mga empleyado ng Kapitolyo bandang 7:30 ng umaga hanggang 6:30 ng gabi para makumpleto ang 40 na oras na work requirement kada linggo.
Magkakaroon namang ng 24/7 shifting ang lahat ng ospital na nasa ilalim ng provincial government sa probinsya para makumpleto ang 40 na oras na work requirement kada linggo.
Pinatitiyak din ng gobernador sa mga ospital na mabigyan ng sapat na proteksyon ang lahat ng empleyado laban sa COVID-19.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.