Labing-apat na Pinoy patay sa nasunog na hotel sa Iraq
Nakikipag-ugnayan na ang Department of Foreign Affairs (DFA) sa mga opisyal ng embahada ng bansa sa Baghdad kaugnay sa pagkamatay ng labing-apat na mga Filipino sa nasunog na hotel sa lungsod ng Erbil sa bansang Iraq.
Sinabi ni DFA spokesman Charles Jose na base sa kanilang inisyal na natanggapn na report, na-trap sa nasunog na Capitol Hotel ang nasabing mga OFW.
Nakikipag-ugnayan na rin ang DFA sa mga kaanak ng mga namatay at sa kanilang mga employers pero tumanggi naman silang ibigay ang pangalan ng mga casualties.
Nauna dito ay sinabi ni Aman Barzani, Director-General ng Health Department sa Erbil na faulty electrical wiring ang dahilan ng sunog sa Capitol Hotel kung saan 19 ang inisyal na bilang ng mga namatay na kinabibilangan ng labing-apat na mga Pinoy.
Kabilang sa mga namatay ang tatlong Iraqis at isang Palestinian.
Ang lungsod ng Erbil partikular na ang Capitol Hotel ay madalas puntahan ng mga bumibisita sa Iraq dahil sa sinasabing paggiging ligtas ng lugar sa bakbakan ng mga magkakalabang pwersa sa naturang bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.