Palasyo sa kritisismo ukol sa community quarantine sa NCR: “Walang namamatay sa gutom”
“Walang namamatay sa gutom”
Tugon ito ng Palasyo ng Malakanyang sa kritisismo na mamamatay ang mga Filipino sa gutom at hindi dahil sa Coronavirus Disease (COVID-19) dahil sa ipinatupad na isang buwan na community quarantine sa Metro Manila.
Sa panayam ng Radyo Inquirer, sinabi ni Presidential spokesman Salvador Panelo na hindi totoo ang naturang kritisismo dahil wala namang namamatay sa gutom sa loob ng isang buwan
“Walang namamatay sa gutom. Ang isang buwan hindi ka pa mamamatay,” pahayag ni Panelo.
May ginagawa na rin aniyang hakbang ang pamahalaan para matugunan ang pangangailangan ng mga manggagawa na maaring maapektuhan ang trabaho o hanapbuhay dahil sa community quarantine.
May nakaantabay na aniya ang Department of Social Welfare and Development (DSWD) na 300,000 food pack na handang ipamahagi sa mga magugutom o maapektuhan ng community quarantine.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.