Ban sa mga biyahe mula Clark patungong Davao, ipinag-utos ni Mayor Sara Duterte

Ipinatupad ni Mayor Sara Duterte ang ban sa lahat ng biyahe mula Clark International Airport sa Pampanga patungong Davao City.

Ito ay bunsod ng banta ng Coronavirus Disease (COVID-19).

Batay sa inilabas na executive order no. 09 series of 2020, hindi na maaring pumasok sa lungsod ang mga biyahe ng eroplano mula Clark.

Napag-alaman na karamihan sa mga bumibiyahe sa Clark ay galing ng Metro Manila na hindi nakabiyahe dahil sa ipinatupad na community quarantine.

Kailangan aniyang mahigpit na ipatupad ang resolusyon na inilabas ng Inter-Agency Task Force on Infectious Diseases na community quarantine sa Metro Manila para maagapan ang paglaganap ng COVID-19.

Nilagdaan ni Duterte ang EO noong march 15, 2020.