PCG, nakataas na sa full alert status; No sail policy, ipatutupad sa Manila Bay
Nakataas na rin ang Philippine Coast Guard (PCG) sa full alert status kasunod ng deklarasyon ni Pangulong Rodrigo Duterte ng Code Red Sub-level 2 sa COVID-19 sa bansa.
Ipinag-utos ni PCG Commandant Admiral Joel Garcia ang istriktong implementasyon ng ‘no sail policy sa Manila Bay at domestic sea travel papunta at mula sa Port of Manila simula March 15 hanggang April 14.
Sakop ng ‘no sail policy’ ang lahat ng domestic passenger vessels at private watercrafts.
Maaari naman aniyang payagang makapaglayag ang ilang cargo vessels, fishing boats, tugboats, at government vessels depende kung ang mga nakasakay na crew members ay kabilang sa isinasagawang health protocols.
Kailangan ding tumalima sa panuntunan ukol sa social distancing ng mga pasahero at crew members ng mga sasakyang-pandagat sa bahagi ng NCR.
Sakaling makitaan ng sintomas ang isang pasahero o crew member, kailangan itong ma-isolate at madala sa medical team.
Posibleng mapatawan ng legal action ang sinumang lalabag sa panuntunan.
“Composite law enforcement and medical teams of the PCG, Philippine National Police – Maritime Group, PNP – NCRPO, and Joint Task Force Armed Forces of the Philippines – NCR have been deployed to implement health protocols and safety guidelines on passengers and crew members of domestic and foreign passenger ships, domestic and foreign cargo vessels, fishing boats, motorbancas, private watercrafts, government vessels, tugboats, and pilot boats in Manila Bay and its coastal areas, Pasig River, Navotas River, Cainta River, Laguna de Bay, Parañaque River, Manggahan Floodway, Marikina River, and Las Piñas Bay,” dagdag ng PCG.
Tiniyak naman ni Garcia na handang i-deploy ang 100 deployable response teams ng PCG Task Force Laban Coronavirus katuwang ang PNP sa ipatutupad na protocol kasabay ng general community quarantine.
“Said water security cluster measures shall also be implemented in Oriental Mindoro and other island provinces, as requested by their respective local government units, to prevent the spread of the contagious virus in their areas of responsibility,” dagdag pa ng ahensya.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.