Antas ng tubig sa Angat Dam, nabawasan

Nabawasan ang antas ng tubig sa Angat Dam sa nakalipas na 24 oras.

Ayon sa PAGASA Hydrology Division bandang 6:00 ng umaga, March 14, nasa 200.10 meters ang lebel ng tubig sa nasabing dam.

Mas mababa ito kumpara sa naitalang 200.43 meters noong Biyernes, March 13.

Bahagya ring nabawasan ang tubig sa La Mesa Dam na ngayon ay nasa 76.87 meters.

Nadagdagan naman ang antas ng tubig sa Ipo Dam na ngayon ay nasa 100.52 meters.

Samantala, pawang nabawasan din ang tubig sa Ambuklao, Binga, San Roque, Pantabangan, at Magat Dam.

Nadagdagan naman ang tubig sa Caliraya Dam.