Bilang ng nasawi sa Pilipinas dahil sa COVID-19, umabot na sa 6 – DOH
Kinumpirma ng Department of Health (DOH) ang pagkasawi ng isa pang kumpirmadong kaso ng Coronavirus Disease (COVID-19) sa bansa.
Dahil dito, umabot na sa anim ang kabuuang bilang ng nasawing COVID-19 patient sa Pilipinas.
Ayon sa kagawaran, nasawi ang patient number 40 o PH40 noong Biyernes ng gabi, March 13.
Ang ikinasawi nito ay Acute Respiratory Distress Syndrome bunsod ng Severe Pneumonia at Acute Kidney Injury.
Unang na-confine ang pasyente sa Northern Mindanao Medical Center noong March 3 matapos makaranas ng mga sintomas noong February 24.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.