BREAKING: Code Red Sublevel 2, idineklara ni Pangulong Duterte dahil sa COVID-19
Mula sa Code Red Sublevel 1, idineklara ni Pangulong Rodrigo Duterte ang pagtataas ng alerto ng Coronavirus Disease (COVID-19) sa Code Red Sublevel 2.
Inanunsiyo ito ng pangulo sa isinagawang public address hinggil sa sakit.
Inilabas ang desisyon makaraang makapulong ng pangulo ang Inter-Agency Task Force for the Management of Emerging Infectious Diseases, Huwebes ng gabi.
Sa huling tala ng Department of Health (DOH), nasa 52 na ang kabuuang bilang ng kumpirmadong kaso ng COVID-19 sa bansa.
Matatandaang unang idineklara ng DOH ang Code Red Sublevel 1 makaraang makapagtala ng unang local transmission ng nasabing sakit sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.