Dating military officials, binigyan ng puwesto sa pamahalaan ni Pangulong Duterte

Itinalaga ni Pangulong Rodrigo Duterte si dating Navy Chief Robert Empedrad bilang administrator ng Maritime Industry Authority kapalit ni Rey Guerrero na nasa Bureau of Customs (BOC) na ngayon.

Bukod kay Empedrad, isa pang military officer ang itinalaga ni Pangulong Duterte bilang ambassador ng Pilipinas sa Israel.

Ito ay sa katauhan ni dating Army Chief Macairog Alberto.

Itinalaga rin ng pangulo sina Bonifacio Pascua, Raymond Reynold Lauigan, Lorenza Bordios, at Richard Mordeno bilang associate justices ng Court of Appeals (CA).

Ini-reappoint naman ng pangulo si dating House Speaker Jose de Venecia bilang Special Envoy of the President for Intercultural Dialogue and Asia Pacific Economic Cooperation.