Lungsod ng San Juan, nakapagtala na ng pitong kaso ng COVID-19
Mayroon nang pitong kaso ng COVID-19 sa lungsod ng San Juan.
Sa Kapihan sa Manila Bay, sinabi ni San Juan City Mayor Francis Zamora na ang dalawang bagong kaso ay dagdag sa limang kaso na nai-report ng Department of Health (DOH) kahapon.
Ang isang kaso ay lalake na edad 64, residente ng Barangay Greenhills at isang 28-anyos na babae na residente ng Barangay Maytunas, ang dalawa ay positibo sa COVID-19 at pareho na silang nasa stable condition sa isang pribadong ospital sa Pasig.
Kaugnay nito, tinitiyak ng alkalde ang buong kooperasyon sa DOH lalo na sa contact tracing at case investigation.
Tinitiyak din ng alkalde ang ayuda sa barangay leaders sa pagtugon sa COVID-19.
Nasimulan na rin ng alkalde ang sanitation and disinfection program gaya ng pagsasagawa ng Canon and Turbo misting sa San Juan National High School at mga kalye sa Barangay West Crame.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.