Tail-end of a cold front, nakakaapekto sa extreme Northern Luzon – PAGASA
Umiiral ang tail-end of a cold front sa dulong Hilagang bahagi ng Luzon.
Sa weather forecast, sinabi ni PAGASA weather specialist Ana Clauren na magdudulot ito ng kaulapan sa extreme Northern Luzon.
Ani Clauren, sa susunod na 24 oras, asahan na bababa ang tail-end of a cold front at posibleng makaapekto sa Cagayan, Isabela at Aurora.
Dahil dito, asahang makakaranas ng mahihina hanggang sa katamtamang pag-ulan.
Sa Metro Manila at nalalabing bahagi ng bansa ay magiging maaliwalas ang panahon.
Patuloy aniyang makakaranas ng mainit na panahon lalo na sa tanghali at hapon ngunit posible pa rin ang isolated light rains.
Ayon pa kay Clauren, maaaaring umabot sa 35 degrees Celsius ang maximum temperature sa Metro Manila sa Miyerkules, March 11.
Walang inaasahang papasok o mabubuong anumang weather disturbance sa loob ng Philippine Area of Responsibility
(PAR) sa susunod na tatlo hanggang limang araw.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.