Pagkasawi ng isang pasyente ng COVID-19 kinukumpirma pa ng DOH

Kinukumpirma pa ng The Department of Health (DOH) ang mga ulat na mayroong isa pang pasyente ng COVID-19 ang nasawi.

Ang pasyente na sinasabing pumanaw na ay ang 86 anyos na American national na residente ng Marikina City at na-admit sa The Medical City.

Ang naturang pasyente ay mayroon ding pre-existing hypertension, at may history ng pagbiyahe sa United States at South Korea.

Sinabi ni Health Sec. Francisco Duque III na base sa kaniyang natanggap na balita, pumanaw ang pasyente kaninang umaga pero pinapa-validate pa niya ito.