DepEd nagpalabas ng guidelines sa pagsususpinde ng klase dahil sa COVID-19
Nagpalabas ng guidelines ang Department of Education (DepEd) na maaring sundin ng mga paaralan sa pagsuspinde ng klase dahil sa COVID-19.
Sa inilabas na DepEd Memorandum number 34 naglatag ng mga polisya matapos itaas ng Department of Health ang Cod Red sublevel 1 dahil sa sakit.
Narito ang alituntunin na maaring sundin ng mga Regional Directors, School Division Superintendents at school heads:
– Kung ang isang paaralan ay may isang kumpirmadong kaso ng COVID-19 maaring magdeklara ng suspensyon ng klase ang school head
– Kung mayroong dalawa o higit pang paaralan sa isang lungsod o munisipalidad na mayroong kumpirmadong kaso ng COVID-19 maaring magdeklara ng suspensyon ng klase sa apektadong paaralan, kalapit na lugar o depende sa lokal na sitwasyon
– Kung mayroon nang community-level transmission sa isang lungsod o munisipalidad ang School Division Superintendents ay maaring magdeklara ng suspensyon ng klase sa apektadong lungsod o munispalidad
– Kung mayroon nang community-level transmission sa dalawa o higit pa na probinsya ang Regional Directors ay maaring magdeklara ng class suspension
– Ang kumpirmasyon ng kaso pati na ang pagkakaroon ng community-level transmission ay dapat manggagaling lang sa DOH
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.