Isa pang Filipino sa Hong Kong, nagpositibo sa COVID-19
Isa pang Filipino sa Hong Kong ang nagpositibo sa Coronavirus Disease (COVID-19).
Sa inilabas na pahayag, kinumpirma ito ng Philippine Consulate General sa Hong Kong.
“She is in good spirits and not showing any symptoms,” ayon sa konsulado.
Ayon naman kay Foreign Affairs Undersecretary Brigido Dulay, nananatili naman ang Filipino worker sa quarantine facility sa Hong Kong para mabigyan ng lunas.
As per PH Consulate in HK, a Filipino worker has tested positive for #COVID2019. Though asymptomatic, the worker is in a HK quarantine facility for treatment. This is the 4th #COVID2019 case involving a Filipino in HK.
— Dodo Dulay (@dododulay) March 8, 2020
Samantala, sinabi ng konsulado na nagpaabot na sila ng mga kinakailangang tulong sa Filipino worker.
Ito na ang ikaapat na Filipino na nagpositibo sa nasabing sakit sa Hong Kong.
Matapos ma-discharge ang unang pasyenteng Filipino noong Biyernes, nasa kabuuang tatlong Filipino COVID-19 positive patients ang nananatili pa sa ospital.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.