Antas ng tubig sa Angat Dam, nabawasan

Bahagyang nabawasan ang antas ng tubig sa Angat Dam sa nakalipas na 24 oras.

Sa datos ng PAGASA Hydrology Division bandang 6:00 ng umaga, nasa 201.32 meters ang lebel ng tubig sa Angat Dam.

Mas mababa ito kumpara sa 201.48 meters noong Sabado.

Bumaba rin ang antas ng tubig sa Ipo Dam na ngayon ay nasa 100.02 meters gayundin ang La Mesa Dam na nasa 77.12 meters.

Nabawasan din ang lebel ng tubig sa Binga, San Roque, Pantabangan, Magat at Caliraya Dams.

Bukod tangi namang nadagdagan ang antas ng tubig sa Ambuklao Dam.