2 Pinoy nagpositibo sa COVID-19 sa bansa; isa sa mga nagpositibo walang travel history ayon sa DOH
Dalawa pang kaso ng COVID-19 ang naitala sa bansa ng Department of Health (DOH).
Dahil dito umakyat na sa lima ang bilang ng nagpositibo sa sakit sa Pilipinas.
Ayon kay Health Secretary Francisco Duque III ang dalawang bagong kaso ay kinabibilangan ng dalawang lalaki na ang isa ay mayroong travel history sa Japan habang ang isa ay hindi bumibiyahe saanmang bansang apektado ng sakit.
Ang 48 anyos na Pinoy na galing Japan ay bumalik sa bansa noong February 25 at nilagnat noong March 3.
Naka-admit siya ngayon sa Research Institute for Tropical Medicine (RITM).
Ang isa pa ay 62 anyos na Pinoy na wala namang travel history.
Ani Duque, posibleng maikunsidera na local transmission ang ikalimang kaso.
Sa ngayon ay nagsasagawa na ng contact tracing ang DOH para sa mga nakasalamuha ng 4th at 5th COVID-19 cases.
Ang mga nagkaroon ng close contacts sa kanila ay kukuhanan ng samples para masuri.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.