16 na establisyimento sa Baguio City ipinasara ng lokal na pamahalaan

Isinilbi ng mga tauhan ng Permits and Licensing Division and Public Order and Safety Division ng City Mayor’s Office sa Baguio ang closure order laban sa labinganim na mga establisyimento sa lungsod.

Nilagdaan ni Mayor Benjamin Magalong ang closure orders para sa 13 kainan at bars sa dahil sa paglabag sa Tax Ordinance 2000-001 ng lungsod,

Kabilang sa nilabag ng mga estabilisyimento ang pagbebenta ng alak na bawal kung ang tindahan ay nasa loob ng city market area.

Kabilang din sa ipinasara ang isang sari-sari store, isang lumpia manufacturer at isang bingo stall na pawang walang business permit.

Isa pang binggo stall ang naisyuhan din ng notice of violation at maari ding maipasara.