Sarangani, Davao Occidental niyanig ng magkasunod na lindol

Yumanig ang magnitude 3.1 na lindol sa Sarangani, Davao Occidental Miyerkules ng hapon.

Ayon sa Phivolcs, tumama ang lindol sa layong 130 kilometers Southeast ng Sarangani dakong 5:40 ng hapon.

May lalim ang lindol na 1 kilometer at tectonic ang origin.

Makalipas ang halos 30 minuto, niyanig muli ang bayan ng magnitude 3.2 na lindol bandang 6:09 ng gabi.

Tumama ang lindol sa 125 kilometers Southeast ng Sarangani.

Gayunman, sinabi ng Phivolcs na walang napaulat na pinsala sa mga ari-arian sa lugar.

Wala ring inaasahang aftershocks matapos ang dalawang pagyanig.