Higit 1M naserbisyuhan ng MRT-3 bus augmentation
Aabot sa mahigit-kumulang isang milyong pasahero ang naserbisyuhan ng bus augmentation project ng Metro Rail Transit Line 3 (MRT-3).
Sa tala ng Department of Transportation (DOTr) hanggang Martes (March 3), nasa kabuuang 1,303,978 na pasahero ang naisakay ng 19,500 na nai-deploy na bus.
Nasa 20,748 na biyahe ang nagawa ng nasabing bilang ng mga bus.
Bukas ang serbisyo mula Lunes hanggang Biyernes simula 6:00 ng umaga hanggang 9:30 ng umaga.
Sakop nito ang mga pasahero sa MRT-3 North Avenue station patungong Ortigas at Ayala Stations.
Magkakatuwang sa MRT Bus Augmentation project ang DOTr, MRT-3, Metropolitan Manila Development Authority (MMDA), Land Transportation Office (LTO), Land Transportation Franchising and Regulatory Board (LTFRB), Philippine National Police-Highway Patrol Group (PNP-HPG) at Inter-Agency Council for Traffic (I-ACT) Alpha at Bravo teams.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.