25 patay sa pananalasa ng tornado sa Nashville

Hindi bababa sa 25 ang nasawi sa pananalasa ng tornado sa Nashville, Tennessee.

Maging ang mga gusali at power lines ay napabagsak ng tornado na magkakasunod na tumama doon.

Mahigit 140 na gusali ang nawasak at doon naipit ang mga nasawing indibidwal.

Ayon kay Putnam County Mayor Randy Porter bagaman na nakapaglabas ng babala ang National Weather Service ay masyadong mabilis ang pangyayari kaya hindi na nagawang makalikas ng mga residente.

Nagdeklara na ng emergency ang gobernador sa apektadong lugar at nagpadala ng national guard para tulungan ang mga naapektuhan