WATCH: Trabaho ng mga OFW, ligtas sa kabila ng COVID-19
Walang overseas Filipino worker (OFW) ang nawalan ng trabaho dahil sa Coronavirus Disease o COVID-19.
Sa ‘Laging Handa’ press briefing sa Malakanyang, sinabi ni Overseas Workers Welfare Administration (OWWA) administrator Hans Cacdac na nangako kasi ang mga employer na hindi tatanggalin sa trabaho ang mga OFW na pansamantalang umuwi ng bansa o ang mga OFW na hindi agad nakabalik sa trabaho dahil inabot na ng travel ban.
Maganda kasi aniya ang reputasyon ng mga OFW sa ibang bansa pagdating sa trabaho.
“Wala naman tayong nakikitang epekto nito. Of course, we will carefully observe togerther with the DFA ‘yung labor market forces in affected countries. But so far, there have been no negative signals in the sense na magbabawas sila or ayaw na nila ng Filipino,” ani Cacdac.
Minomonitor na rin aniya ng OWWA ang sitwasyon ng mga OFW sa Macau kung saan patuloy na umiiral ang travel ban.
Ilang Filipinong manggagawa na aniya kasi ang nagkaroon ng forced leave sa China.
Pero ayon kay Cacdac, binibigyan na ng relief assistance ng OWWA ang mga OFW na sumailalim sa forced leave.
“Wala naman. The one thing that I can share right now is we’re monitoring the situation of workers in Macau. Some of them have been placed in forced leave. But the Consulate General’s office and OWWA Welfare Officer there are in close touch with the Macau Ministry of Labor and the Macau Ministry of Labor is fully aware of the situation at ginagabayan din nila ‘yung mga kumpanya, the rights of the workers under Macau law…also we’re providing relief assistance to these workers who are meted forced leaves. We are assisting them as of the moment. Other than that we cannot foresee any significant joblosses,” dagdag pa nito.
Narito ang buong ulat ni Chona Yu:
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.